बुढानिलकण्ठमा भोलि पनि सहुलियत सहितको घुम्ती बजार संचालन हुने

कपन अनलाइन
काठमाडौं,कार्तिक   १४ ।

साल्ट ट्रेडिङ कर्पोरेसन लिमिटेडद्वारा कार्तिक १४ गते (आज) बुढानीलकण्ठ नगरपालिकामा घुम्ती सेवा मार्फत खाद्यान्न सामाग्रि बिक्रि वितरण भएको छ ।

आज संचालन भएको घुम्ती बजारमा ९ बोरा चिनि (प्रति व्यक्तिलाई २ के.जि. ), नुन ३ बोरा,  चामल २० बोरा, सनफ्लावर तेल ८ कार्टुन, तोरिको तेल ४ कार्टुन, चिउरा २० पाकेट र पिठो ५० के.जि. बिक्रि भएको साल्ट ट्रेडिङले जनाएको छ ।

घुम्ती सेवा कार्तिक १५ गते बुधबार (भोलि) पनि संचालन हुने नगरपालिकाले जानकारी दिएको छ । बजार बिहान १२ः०० बजे देखि बेलुकी ४ः०० बजे सम्म संचालन हुन्छ ।