काठमाडौं महानगरपालिका वडा नम्बर १६ का अध्यक्ष मुकुन्द रिजालको निधन

कपन अनलाइन

काठमाण्डौ ,भाद्र २१ ।

काठमाडौं महानगरपालिका वडा नम्बर १६ का अध्यक्ष मुकुन्द रिजालको पार्थिव शरीर श्रद्धाञ्जलीका लागि राष्ट्रिय सभागृहमा राखिने भएको छ ।

महानगरपालिकाका प्रमुख प्रशासकीय अधिकृत वसन्त अधिकारीका अनुसार वडाध्यक्ष रिजालको पार्थिव शरीर श्रद्धाञ्जलीका लागि बिहान ११ बजेदेखि राष्ट्रिय सभागृहमा राखिनेछ ।

वडाध्यक्ष रिजालको बिहीबार बिहान ७:३० बजे उपचारका क्रममा निधन भएको हो । उच्च ज्वरो र निमोनियाको संक्रमणका कारण ग्रान्डी अस्पताल भर्ना भएका रिजालको बिहीबार बिहान उपचारका क्रममा निधन भएको हो।

नगर कार्यपालिकाअन्तर्गत पूर्वाधार समितिका संयोजकसमेत रहेका रिजाल काठमाडौं क्षेत्र नम्बर-७ का कांग्रेस सभापति समेत हुन् । उनी दोस्रो पटक काठमाडौं-१६ को अध्यक्षमा निर्वाचित भएका थिए ।