अपेनको गोकर्णेश्वर नगर कमिटीले अन्तर विद्यालय नृत्य प्रतियोगिता गर्ने

कपन अनलाइन

काठमाण्डौ ,भाद्र २१।

मन्टेश्वरी तथा प्रि स्कुलहरूको छाता संगठन एसोसिएसन अफ प्रि स्कुल एजुकेटर्स नेपाल (अपेन) को गोकर्णेश्वर नगर कमिटीले अन्तर विद्यालय नृत्य प्रतियोगिता गर्ने भएको छ।

भाद्र २२ गते नगर भित्रका सम्पूर्ण प्रि स्कुलहरू सहभागी हुन पाउने गरी प्रतियोगिता आयोजना गर्न लागिएको हो। नेपाली नारीहरूको महान् चाड तिजको अवसर पारेर कार्यक्रम आयोजना गरिएको अपेन गोकर्णेश्वरले जनाएको छ।

गोकर्णेश्वर नगरपालिकाका प्रमुख दिपक रिसाल प्रमुख अतिथि रहने कार्यक्रममा उपप्रमुख सान्नानी लामा विशेष अतिथिकी रूपमा रहनेछिन्। कार्यक्रममा नगर भित्रका प्रि स्कुलका शिक्षिका, कर्मचारी, विद्यार्थी सहित अपेनका अन्य आमन्त्रित अतिथिहरूको सहभागिता रहनेछ।