नेसा अन्तर विद्यालय फुटसलको उपाधि बोधी सदन स्कुल कपनलाई

कपन अनलाइन

काठमाण्डौ ,जेठ २८ ।

North East Schools’ Alliance (NESA) को आयोजना एवं घटराज मेमोरियल स्कुलको संयोजकत्वमा आयोजित नेसा अन्तर विद्यालय फुटसल प्रतियोगिता २०८० को छात्र तथा छात्रा दुवै तर्फको   उपाधि बोधी सदन स्कुल, कपन  ले जितेको छ ।

हालसालै सम्पन्न बुढानिलकण्ठ १२ द्वारा आयोजित फुटसलमा पनि च्याम्पियन बनेको उक्त टिम ले विभिन्न स्कुलका १०- १० टिम सम्मिलित प्रतियोगितामा छात्र तर्फ टाई ब्रेकर मा ३-२ ले सरस्वती एकेडेमी, सरस्वतीनगर  लाई पराजित गर्दै उपाधी हात पारेको हो, तृतीय र सान्त्वना पुरस्कार क्रमश घटराज मेमोरियल स्कुल, कपन  र बौद्ध चिल्ड्रेन हेभेन स्कुल, रामहिटी ले प्राप्त गर्न सफल भए।  त्यस्तै छात्रा तर्फ एजेज ग्रेडेड स्कुल, जोरपाटीलाई  ३-० ले पराजित गर्दै उपाधि रक्षा गर्न सफल भएको छ।

उक्त स्पर्धामा तृतीय र सान्त्वना पुरस्कार क्रमश हिमशिला स्कुल, सरस्वतीनगर  र बौद्ध चिल्ड्रेन हेभेन स्कुल, रामहिटीले प्राप्त गरेको छ।  दुइ दिन सम्म संचालित प्रतियोगिता मा छात्र तथा छात्रा तर्फ़ को फ़िअर प्ले अवार्ड भने क्रमश गौरी शंकर स्कुल, ललितपुर, र नव मंजुश्री स्कुल, कपन ले हात पर्न सफल भए।  छात्र र छात्रा  तर्फ को उत्कृष्ट खेलाडी भने बोधी सदन कै निश्चल थापा तथा आशा श्रेष्ठ घोषित भएका छन  ।