फोहोर व्यवस्थापनका लागि गोकर्णेश्वर ८ मा डस्टविन वितरण
कपन अनलाइन
काठमाडौं जेठ ९ । गोकर्णेश्वर नगरपालिका वडा नं ८ मा डस्टविन वितरण गरिएको छ । गोकर्णेश्वर नगरपालिका वडा न ८ को सहयोगमा महांकाल भैरव महिला समुहलाई आइतबार एक कार्यक्रमका बीच करिब ९० वटा डस्टविन वितरण गरेको हो । नगर प्रमुख दिपक कुमार रिसालको प्रमुख आतिथ्यता भएको उक्त कार्यक्रममा उप प्रमुख सान्नानी लामा वडा अध्यक्ष नन्दलाल श्रेष्ठ, वडा सदस्य सुमन लामा सहित महांकाल भैरव महिलासमुहका पदाधिकारी सहित स्थानीयको उपस्थिति रहेको थियो ।
सभ्य समाज निर्माणको साथै वडालाई फोहोर बाट बचाउनुको साथै फोहर संकलनमा सहजता र प्रभावकारिताका लागि वडाले डस्टविन वितरण गरेको वडा अध्यक्ष नन्दलाल श्रेष्ठले जानकारी गराएका छन ।
कार्यक्रममा बोल्दै नगर प्रमुख दिपक कुमार रिसालले फोहरका कारण मानव स्वास्थ्य र वातावरणमा समेत प्रभाव पार्ने हुनाले यसको सही व्यवस्थापनमा नगरवासीले सहयोग गर्नुपर्नेमा जोड दिएका थिए । उनले फोहर घरबाटै घटाउने बानीको विकास गर्न सबैमा आग्रह गरेका थिए ।
