बुढानिलकण्ठ -२ मा उदघोषण कला,माइन्युट र प्रस्तावना लेखन तालिम सम्पन्न
कपन अनलाइन
काठमाडौं, वैशाख १७ ।
बुढानिलकण्ठ -२ मा उदघोषण कला,माइन्युट र प्रस्तावना लेखन तालिम सम्पन्न भएको छ।
बुढानिलकण्ठ नगरपालिका वडा नं २ को आयोजनामा भएको १५ दिने तालिम समापनको अवसरमा सहभागीहरुलाई प्रमाण पत्र वितरण गरिएको थियो।
बुढानिलकण्ठ नगरपालिका वडा नं २ की सदस्य पार्वती श्रेष्ठको अध्यक्षता र वडा अध्यक्ष राजेन्द्र श्रेष्ठको प्रमुख आतिथ्यतामा भएको तालिम समापन कार्यक्रममा सहभागीहरुले आफ्नो अनुभव समेत सुनाएका थिए।
उदघोषण कलाको शैदान्तिक तथा प्रयोगात्मक पक्षहरु , माइन्युट लेखन तथा प्रस्तावना लेखनका विविध पक्षहरुका वारेमा प्रशिक्षण प्रदान गरिएको सो तालिमको समापन कार्यक्रममा वडा नं २ का सदस्यहरु राम बिनोद लामिछाने ,राजकाजी श्रेष्ठ र सिता सुनारको पनि उपस्थिति रहेको थियो।
बुढानिलकण्ठ नगर कार्यपालिका सदस्य मेन्दोक शेर्पाले स्वागत मन्तव्य राखेको समापन कार्यक्रममा सहभागीहरुले विभिन्न रचनात्मक प्रस्तुतिहरु पनि दिएका थिए ।
