गोकर्णेश्वर युवा जागरण क्लब (GFG) को आयोजनमा तेस्रो स्व. गोपाल श्रेष्ठ स्मृति ब्याडमिन्टन शुरु

कपन अनलाइन

काठमाडौं, चैत २।

गोकर्णेश्वर नगरपालिका वडा नं ४ मा रहेको गोकर्णेश्वर युवा जागरण क्लब (GFG) को आयोजनमा  स्वर्गीय गोपाल श्रेष्ठको स्मृतिमा तेस्रो स्व. गोपाल श्रेष्ठ स्मृति नगर स्तरीय ब्याडमिन्टन प्रतियोगिता आज बाट शुरु भएको छ ।

नेपाल तरुण दल गोकर्णेश्वर नगर समिति, काठमाडौंका अध्यक्ष तथा गोकर्णेश्वर युवा जागरण क्लबका सल्लाहकार समेत रहेका स्व. गोपाल श्रेष्ठको हृदयाघातका कारण निधन भएको थियो।

उनकै सम्झनामा खेलको माध्यमबाट आपसी भाइचारा मित्रता र सामाजिक सदभाब कायम गर्दै वडा बाट प्रतिभावान खलाडी उत्पादन गर्ने उदेश्यका साथ भगवती ब्याडमिन्टन कोर्टमा आज बाट शुरु भएको उक्त प्रतियोगितामा कुल १९ टिमको सहभागिता रहेको छ। गोकर्णेश्वर नगरपालिका युवा तथा खेलकुद विकास समितिको सहयोग रहेको तेस्रो स्व. गोपाल श्रेष्ठ स्मृति नगर स्तरीय ब्याडमिन्टन प्रतियोगिताको आज एक कार्यक्रमका बीच प्रमुख अतिथि काठमाडौं क्षेत्र नं ३ का सांसद सन्तोष चालिसेले दिप प्रज्वलन सहित रेफ्री श्रीकृष्ण कारंजितलाइ कक र र्याकेट हस्तान्तरण गरि प्रतियोगिताको उदघाटन गरेका थिए।

गोकर्णेश्वर युवा जागरण क्लब (GFG)का अध्यक्ष विकेश श्रेष्ठको अध्यक्षता मा भएको कार्यक्रममा बिशेष अतिथिको रूपमा गोकर्णेश्वर नगरपालिका युवा तथा खेलकुद विकास समिति संयोजक संजय लामा वडा नम्बर ९का वड सद्स्य श्रीकृष्ण कारंजित वडा नम्बर ४का वड सदस्य राजेश श्रेष्ठ भगवती युवा क्लबको अध्यक्ष अस्मिता श्रेष्ठ, समाजसेवी बाल कृष्ण श्रेष्ठ (लाक्स) स्व गोपाल श्रेष्ठका बुवा ,श्रीमती र छोरा सहित रेफ्री खेलाडी र खेल प्रेमी दर्शक हरुको उपस्थिती रहेको थियो स्व गोपाल श्रेष्ठको सम्झनामा एक मिनेट मौन धारण गर्नु को साथै उनको तस्विर मा माल्यार्पण समेत गरिएको थियो ।

कार्यक्रमलाई सम्बोधन गर्दै प्रतिनिधि सभा सदस्य सन्तोष चालिसे ले स्व गोपाल श्रेष्ठले समाजमा पुर्याएको योगदान को चर्चा गरेका थिए । नकआउट आधारमा खेलाइएको प्रतियोगिताको पहिलो उद्घाटन खेल हरिदास श्रेष्ठ र राजेश श्रेष्ठको जोडी संग श्री कारन्जित र पासाङ शेर्पा को जोडि बिच भएको थियो। उक्त खेलमा हरिदास श्रेष्ठ र राजेश श्रेष्ठको जोडीलाई श्री कारन्जित र पासाङ शेर्पा को जोडिले १९-२१ र १७-२१ अङ्कको सोझो सेट्मा पराजित गर्दै अर्को चरण मा प्रवेश गरेको छ ।

आज नै भएको अर्को खेल धुर्ब प्रकाश नापित र राम श्रेष्ठको जोडी संग गणेश श्रेष्ठ र राजन श्रेष्ठको जोडी बिच भएको थियो । उक्त खेल मा गणेश श्रेष्ठ र राजन श्रेष्ठको जोडीले धुर्ब प्रकाश नापित र राम श्रेष्ठको जोडीलाई २१-१२ र २१-१४ अङ्कको सोझो सेट्मा पराजित गर्दै अर्को चरण मा प्रवेश गरेको छ ।

त्यसै गरि आज नै भएको अर्को खेल सुमन लामा र भैरव तामाङको जोडि संग यादव खड्का र बाल कृष्ण श्रेष्ठको जोडी बिच भएको थियो उक्त खेल मा सुमन लामा र भैरव तामाङको जोडि ले यादव खड्का र बाल कृष्ण श्रेष्ठको जोडीलाई २२-२१,२१-१८ अङ्कको सोझो सेट्मा पराजित गर्दै अर्को चरण मा प्रवेश गरेको छ । फाल्गुन ५गते सम्म चल्ने प्रतियोगिता मा प्रथम दितिय र तृतिय हुने खेलडी ले नगद पुरस्कार सहित ट्रफि मेडल र प्रमाण पत्र प्राप्त गर्ने गोकर्णेश्वर युवा जागरण क्लब (GFG)का अध्यक्ष विकेश श्रेष्ठले कपन अनलाइन लाई जानकारी गराए।