गोकर्णेश्वर -९ मा ज्येष्ठ नागरिकहरुको दृष्टि परिक्षण तथा निःशुल्क चस्मा वितरण कार्यक्रम सम्पन्न
कपन अनलाइन
काठमाडौँ,पौष १९ । गोकर्णेश्वर नगरपालिका वडा नं. ९ मा ज्येष्ठ नागरिकहरुको दृष्टि परिक्षण तथा निःशुल्क चस्मा वितरण कार्यक्रम सम्पन्न भएको छ । सोमबार गोकर्णेश्वर नगरपालिका र सशक्तीकरण अवसरको सहकार्यमा ६० वर्ष माथिका ज्येष्ठ नागरिक वडा बासीहरुलाई वडा कार्यलय आरुबारीमा दृष्टि परिक्षण तथा निःशुल्क चस्मा वितरण कार्यक्रम सम्पन्न भएको हो ।
उक्त कार्यक्रममा नगर प्रमुख दीपक रिसाल, वडा नं. ९ का वडा अध्यक्ष राजीव थापा वडा सदस्यहरु उमेश चालिसे, लक्ष्मी गुरुङ गमला कुमारी परियार ,श्रीकृष्ण कारंजित, वडाका कर्मचारी, स्वास्थ्यकर्मी लगायत स्थानीय ज्येष्ठ नागरिकहरुको उपस्थिती रहेको थियो । बिहान १० बजे देखि अपरान्ह ३ बजे सम्म चलेको उक्त स्वास्थ्य शिविरमा करिब १ सय ५० जना ज्येष्ठ नागरिकहरुको नि:शुल्क दृष्टि परिक्षण गरिएको र सय जनालाइ निशुल्क चस्मा वितरण गरिएको वडा अध्यक्ष राजीव थापा कपन अनलाइनलाइ जानकारी गराए ।
स्वास्थ्य सेवामा सहज, सुलभ र समान पहँच बिस्तार गर्ने उद्धेश्य सहित कार्यक्रमको आयोजना गरिएको वडा अध्यक्ष राजीव थापाले जानकारी गराए उमेर ढल्किदै जाँदा आँखा सम्बन्धी समस्याका कारण कठिनाइ भोग्न नपरोस् भन्ने उद्देश्यले गोकर्णेश्वर नगरपालिका र सशक्तीकरण अवसरको सहकार्यमा सबै वडा समेटिने गरी शिविर सञ्चालन गरिएको उनले प्रष्ट पारे निशुल्क आँखा परिक्षण र चस्मा पाउदा ज्येष्ठ नागरिकहरु खुसि देखिन्थे।
