गोकर्णेश्वर ३ सुन्ताखानमा सार्वजनिक यातायात संचालनमा आयो

कपन अनलाइन

काठमाडौँ पौष १८  ।  गोकर्णेश्वर नगरपालिका वडा नं ३ सुन्ताखानमा सार्वजनिक यातायात संचालन  भएको छ ।गोकर्णेश्वर सार्वजनिक यातायात व्यवस्थापन सरोकार समितिको पहलमा  सरोकारवालाहरु संगको पटक पटकको छलफल पश्चात आज बिहान बाट बस सेवा  परिक्षणको रुपमा संचालनमा आएको हो  ।

सुन्ताखान घट्ट बसपार्क बाट  उपत्यका सिटि यातायात प्रालिका  १० वटा गाडीले  परिक्षण सेवा संचालन गरेको र केहि दिनमा सुन्दरिमाइ सिटि यातायात कम्पनिले पनि  बस सेवा संचालन गर्ने तयारी गरेको  वडा सदस्य बुद्धि बहादुर श्रेष्ठले कपन अनलाइनलाइ जानकारी गराए । लामो समय देखि उक्त क्षेत्रमा बस सेवा संचालन नहुँदा स्थानीयबासी यातायातको क्षेत्रमा समस्या भोग्दै आएका   थिए   । सार्वजनिक यातायात व्यवस्थापन सरोकार समितिका संयोजक उद्दब बिष्ट, सार्वजनिक यातायात व्यवस्थापन सरोकार समितिका सदस्यहरु, वडाअध्यक्ष मुरारी प्रसाद कुइकेल  लगायतले उक्त क्षेत्रमा यातायात सेवा संचालनको लागि पहल गर्दै आएका थिए  ।  बस सेवा संचालनमा आए संगै स्थानीयले खुसि ब्यक्त गर्दै सो सेवा दिगो हुनुपर्नेमा जोड दिएका छन  ।