गोकर्णेश्वरमा पाँचौ चक्र बहादुर स्मृति अन्तर बिध्यालय छात्र फुटबल प्रतियोगिता आज बाट शुरु हुदै

कपन अनलाइन 

काठमाडौँ पौष ९ ।गोकर्णेश्वरमा  पाँचौ चक्र बहादुर स्मृति अन्तर बिध्यालय छात्र फुटबल प्रतियोगिता २०७९  आज बाट शुरु हुदैछ  । गोकर्णेश्वर  नगरपालिका संगको सहकार्यमा छहारी युवा क्लबको आयोजनामा  गोकर्णेश्वर नगरपालिका भरि  संचालनमा रहेका बिध्यालयका  बिद्यार्थीहरुको  सहभागीता रहने उक्त प्रतियोगिता गोकर्णेश्वर नगरपालिका वडा नं ८ मा रहेको नेपालय इंगलिस पब्लिक स्कुलको खेलमैदानमा संचालन हुने  शुक्रबार पत्रकार सम्मेलन मार्फत कार्यक्रम    संयोजक संगम थापा श्रेष्ठले जानकारी गराएका छन् ।

नगरपालिका भित्र रहेका  १८ वटा बिध्यालयका कुल १९ टिम प्रतिस्पर्धी रहेको उक्त प्रतियोगिताको ट्राइ सिट प्रकाशन समेत शुक्रबार नै भएको थियो । शैक्षिक ज्ञान र शिप विकास को साथ साथै खेलको माध्यम बाट आचरण सुधार गर्दै खेल कौशलको विकास गर्दै अन्य शैक्षिकसंस्थाहरु संगको सम्बन्ध प्रगाढ बनाई उत्कृष्ट खेलाडी उत्पादनमा सहयोग भन्ने हेतुले छहारी युवा क्लबको अग्रसरतामा हुन लागेको सो प्रतियोगिताले स्व. चक्रबहादुर ठकुरीले पुर्याएको योगदानको कदर स्वरूप प्रतियोगिता आयोजना गर्न लागिएको पत्रकार सम्मेलन मार्फत छहारी युवा क्लबका  अध्यक्ष लक्ष्मण श्रेष्ठले जानकारी गराए।

  प्रतियोगितामा प्रथम दितीय र तृतीय हुनेले  नगद  क्रमश  रु ३० हजार ,१५ हजार र १० हजार   सहित ट्रफी मेडल र प्रमाण पत्र प्राप्त गर्ने पनि आयोजकले जानकारी गराएको छ ।