नेपाली कांग्रेस संसदीय दलको  निर्वाचन आज 

कपन अनलाइन 

काठमाडौँ, पौष ६ । नेपाली कांग्रेस संसदीय दलको  निर्वाचन आज  हुँदै छ । निर्वाचन बिहान ८ देखि १० बजेसम्म हुनेछ । दलको नेताका लागि सभापति शेरबहादुर देउवा र महामन्त्री गगन थापा प्रतिस्पर्धामा रहेका छन् ।संसदीय दलको नेता चयनका लागि कांग्रेसबाट निर्वाचित प्रतिनिधिसभाका सदस्य मतदाता हुन्छन् । ८९ जना मतदाता रहेका छन् । संसदीय दलको नेता निर्वाचित हुन ५० प्रतिशत मत कटाउनुपर्ने हुन्छ । यसअनुसार संसदीय दलको नेता बन्न ४५ सांसदको समर्थन जुटाउनुपर्ने देखिन्छ ।