गोकर्णेश्वर महादेव मन्दिर छाना निर्माण तथा सर्वांगिण विकास समन्वय समितिले गर्यो नव निर्वाचित सांसदहरुलाई सम्मान
कपन अनलाइन
काठमाडौं पौष ५। काठमाडौं क्षेत्र नं ३ बाट नव निर्वाचित सांसदहरुलाई सम्मान गरिएको छ । गोकर्णेश्वर महादेव मन्दिर छाना निर्माण तथा सर्वांगिण विकास समन्वय समितिले सोमबार काठमाडौं क्षेत्र नं. ३ का संघीय सांसद सन्तोष चालिसे र समानुपातिक तर्फबाट संघीय सांसद शान्ति श्रेष्ठलाई समितिले सम्मान गरेको हो ।
गोकर्णेश्वर महादेव मन्दिर छाना निर्माण तथा सर्वाङ्गीण विकास समितिका अध्यक्ष कोमलबहादुर विष्टको अध्यक्षतामा भएको उक्त कार्यक्रममा गोकर्णेश्वर नगर प्रमुख दीपक रिसाल,गोकर्णेश्वर नगरपालिका वडा ४ का वडा अध्यक्ष जयराम महत, पूर्व वडा अध्यक्ष श्रीकुमार श्रेष्ठ, वडा नं. २ का पूर्व वडा अध्यक्ष कृष्ण बहादुर पण्डित क्षेत्री एवम् गोनपा ४ का वडा सदस्यहरु गौरी श्रेष्ठ, कृष्ण श्रेष्ठ, राजेश श्रेष्ठ र सुनिता परियार लगायत स्थानीयको उपस्थिति रहेको थियो ।
कार्यक्रममा गोकर्णेश्वर मन्दिरको धार्मिक सांस्कृतिक महत्व र मन्दिर क्षेत्रको विकासको बारेमा चर्चा भएको थियो । कार्यक्रममा बोल्दै संसद द्वय सन्तोष चालिसे र शान्ति श्रेष्ठले सम्मानको लागि धन्यवाद दिदै जनताको आशा अपेक्षालाई पुरा गर्न लागि पर्ने बताएका थिए ।
कार्यक्रममा गोकर्णेश्वर नगर प्रमुख दीपक रिसाल,गोकर्णेश्वर नगरपालिका वडा ४ का वडा अध्यक्ष जयराम महत, पूर्व वडा अध्यक्ष श्रीकुमार श्रेष्ठ लगायतले शुभकामना मन्तब्य राख्दै नव निर्वाचित सांसदहरुको सफल कार्यकालको शुभकामना ब्यक्त गरेका थिए ।
फोटो : जी के
