खगेन्द्र नवजीवन विशेष माध्यामिक विद्यालय गोकर्णेश्वर ६ को गेट शिलान्यास

कपन अनलाइन

काठमाडौँ, मंगसिर १९ ।  गोकर्णेश्वर नगरपालिका वडा नं. ६ जोरपाटी नारायणटारमा रहेको खगेन्द्र नवजीवन विशेष माध्यामिक विद्यालय हातामा गेट निर्माणको  शिलान्यास गरिएको  छ । आइतबार गोकर्णेश्वर नगरपालिका उपप्रमुख  सान्नानी लामाले उक्त  गेटको शिलान्यास गरेकी हुन् । विद्यालय हातामा क्यान्टिन तथा गेट निर्माणका लागि गोकर्णेश्वर नगरपालिकाले विनियोजन गरेको १८ लाखबाट गेट निर्माण हुन लागेको हो ।

शिलान्यास कार्यक्रममा गोकर्णेश्वर नगरपालिका वडा नं ६ का पूर्व वडा अध्यक्ष तथा विद्यालय व्यवस्थापन समितिका अध्यक्ष रमेश अर्याल, प्रधानाध्यापक राघव दवाडी लगायत विद्यालयका शिक्षक शिक्षिका कर्मचारीहरुको उपस्थिती रहेको थियो ।