गोकर्णेश्वरमा मुवाथाइ प्रोफेशनल फाइट प्रतियोगिता सम्पन्न

कपन अनलाइन

काठमाडौँ, मंगसिर १८ ।गोकर्णेश्वरमा मुवाथाइ प्रोफेशनल फाइट प्रतियोगिता सम्पन्न भएको छ । शनिबार गोकर्णेश्वर महादेव  मन्दिर प्रांगणमा गोकर्णेश्वर नगरपालिका युवा तथा खेलकुद शाखाको आयोजना तथा गोकर्णेश्वर मुवाँथाइ नगर कमिटिको संयोजनमा भएको  उक्त प्रतियोगिताको  विभिन्न विधामा ९ जोडिले प्रतिश्पर्धा गरेका थिए ।

गोकर्णेश्वर मुवाँथाइ नगर कमिटिका अध्यक्ष सानु कान्छा श्रेष्ठको सभापतित्वमा भएको प्रतियोगिताको उद्घाटन प्रमुख अतिथी तथा नगर प्रमुख दीपक रिसालले गरेका थिए ।

कार्यक्रममा गोकर्णेश्वर नगरपालिका वडा नं. ४ का वडा अध्यक्ष जयराम महत, युवा तथा खेलकुद शाखा प्रमुख राम नारायण शाह, नगर खेलकुद संयोजक सञ्जय लामा लगायत बिभिन्न व्यक्तित्वहरुको उपस्थिति रहेको थियो ।

प्रतियोगितामा लाल बहादुर तामाङ, धर्मिन्द्र राम, स्कम्का शर्मा,समित लामा, योकेंद्र खड्का,कपिल बहादुर सिंह, सुजन लिम्बु, प्रविन राइ,र नारायण श्रेष्ठ बिजयी भएको गोकर्णेश्वर मुवाँथाइ नगर कमिटिका अध्यक्ष सानु कान्छा श्रेष्ठले कपन अनलाइनलाइ जानकारी गराए। बिजेताहरुले नगद रु २०हजार सहित सहित बेल्ट मेडल र प्रमाणपत्र प्राप्त गरेको पनि उनले जानकारी गराए।