आज मंसिर ४,सात बजेबाट मतदान सुरु हुदै….

प्रमुख निर्वाचन आयुक्त दिनेशकुमार थपलियाले प्रतिनिधिसभा र प्रदेशसभा चुनावलाई निष्पक्ष र भयरहित वातावरणमा सम्पन्न गराउन सबै तयारी पूरा भएको भन्दै निर्धक्क भएर मतदान गर्न मतदातालाई अपिल गरेका छन्।

निर्वाचन आयोगबाट शनिवार सम्बोधन गर्दै उनले निर्वाचनमा भाग लिएर आफ्नो मताधिकार प्रयोग गर्न सबैलाई आग्रह गरेका हुन्।

उनले चुनावलाई स्वच्छ, निष्पक्ष र भयरहित वातावरणमा सम्पन्न गराउन सम्पूर्ण तयारी पूरा भएको बताए।

आइतवार बिहान ७ बजेदेखि सुरु भएको मतदान साँझ ५ बजेसम्म जारी रहने निर्वाचन आयोगले जनाएको छ।