प्रथम उपत्यकाव्यापी तेक्वान्दो प्रतियोगिता भोलिदेखि

काठमाडौँ, २८ जेठ । जिल्ला खेलकुद विकास समिति काठमाडौँ र रत्न एजुकेसन एन्ड स्पोटर््स् एकेडेमीको संयुक्त आयोजनामा प्रथम उपत्यकाव्यापी आमन्त्रण तेक्वान्दो प्रतियोगिता भोलि शुक्रबारदेखि सञ्चालन हुने भएको छ ।

प्रतियोगितामा पुरुष र महिलातर्फ समान आठ÷आठ गरी १६ स्वर्णपदकका लागि प्रतिस्पर्धा हुने आयोजक समितिका कार्यालय प्रमुख लीलाराम बस्नेतले जानकारी दिनुभयो ।

प्रतियोगितामा विभिन्न विद्यालय र डोजाङ गरी २२ टिमका करिब ३२० खेलाडीले भाग लिने जिल्ला खेलकुद विकास समितिका तेक्वान्दो प्रशिक्षक टोनिल कर्माचार्यले बताउनुभयो । दुईदिनसम्म चल्ने उक्त प्रतियोगिताका खेलहरु भक्तपुरस्थित नयाँ ठिमीमा हुनेछन् । रासस