साँखु जेसीसले भिन्तुना मोटर साईकल र्याली गर्ने
कपन अनलाइन
काठमाडौँ, कात्तिक ८ ।साँखु जेसीसले आगामी कार्तिक ९ गते नेपाल सम्वत् ११४३ को अवसरमा भिन्तुना मोटर साईकल र्यालीको आयोजना गर्ने भएको छ ।
नेपाल संवतका प्रणेता तथा नेपाल राष्ट्रिय बिभुति शंखधर साख्वाको समाज प्रतिको योगदानलाई सम्मान गर्दै नेपाल संवत ११४३ न्यू दया भिन्तुना को उपलक्ष्यमा बिगतमा झैँ कार्तिक ९ गते अपरान्ह १२ बजे साँखुको पुरानो बजार साल्खाटोलबाट सुरु भई साँखु बजार परिक्रमापछि सलम्बुटार हुँदै इन्द्रायणी, सानागाउँ, लाकिला, सुकेखोला हुँदै ईल्लाटोलबाट साँखु बजारमा प्रवेश गरी साल्खाटोलमै पुगेर समापन हुने जेसीसका अध्यक्ष जयराम श्रेष्ठले जानकारी दिएका छन ।
साथै मोटरसाईकल र्यालीको लागि नीरज श्रेष्ठलाई सम्पर्क गर्न समेत अनुरोध गरेका छन ।साथै उक्त कार्यक्रमको प्रचार प्रसार सहभागीलाइ स्वागत गर्न अधिक सहभागीता जनाई आवश्यक सहयोग गर्न समेत साँखु जेसिजले सबैलाई अनुरोध गरेको छ ।
