भुवाल डाँडा खुल्ला फुटसल प्रतियोगिता भोलि बाट
कपन अनलाइन
काठमाडौँ, असार ६। अनुशासन, निरन्तरता गतिशीलता भन्ने नाराको साथमा श्री भुवाल डाँडा युवा क्लबले भुवाल डाँडा खुल्ला फुटसल प्रतियोगिता गर्ने भएको छ। खेलको माध्यमबाट आपसी भाइचारा मित्रता र सामाजिक सदभाब कायम गर्दै प्रतिभावान खलाडी उत्पादनमा फुटसल प्रेमी खेलाडीहरुलाई समेट्ने उद्धेश्यका साथ असार ७ गते देखि असार ९ गते सम्म काठमाडौं महानगरपालिका वडा नं ६ बौद्ध स्थित एरिना फुटसल मैदानमा हुन लागेको उक्त प्रतियोगितामा प्रथम दितीय र तृतीय हुने हुने टिमले क्रमश नगद रु ७० हजार ३० हजार र दश हजार सहित ट्रफी, प्रमाण पत्र प्राप्त गर्नेछ भने सर्वाधिक गोलकर्ता, उत्कृष्ट खेलाडी र उत्कृष्ट गोलरक्षकले नगद रु २ हजार प्राप्त गर्ने समेत आयोजकले जानकारी गराएको छ।
कार्यक्रमलाइ काठमाडौं महानगरपालिका वडा नं ६ ,गोकर्णेश्वर नगरपालिकाले प्रायोजन गरेको छ भने सह प्रायोजकमा सुरक्षा लुब्रिकेन्ट, विट्स एकेडेमी, जेनिसिस एकेडेमी, कक्षा कोठा फ्लाइन वर्ड्स लगायत रहेको श्री भुवाल डाँडा युवा क्लबका अध्यक्ष अजिप लामाले कपन अनलाइनलाइ जानकारी गराए ।
