कागेश्वरी २  मा नव निर्वाचित वडा अध्यक्ष  सुरज खड्का सहित सदस्यहरुले पदभार ग्रहण गरे

कपन अनलाइन

काठमाडौँ, जेठ ११। कागेश्वरी मनोहरा  नगरपालिका वडा नं २  मा नव निर्वाचित वडा अध्यक्ष  सुरज खड्का  सहित सदस्यहरुले सोमबार पदभार ग्रहण गरेका छन ।  सोमबार नै  नगरपालिकाको सभाहलमा नगर प्रमुख उपेन्द्र कार्कीले पद तथा  गोपनियता सपथ खुवाए संगै वडा कार्यलय पुगी वडा अध्यक्ष  सुरज खड्का  लगायत वडा सदस्यहरु राम प्यारी नगरकोटी, प्राणनाथ फुयाल महेश्वर श्रेष्ठ तारा लोहारले पदभार ग्रहण गरेका हुन  ।नवनिर्वाचित वडा अध्यक्ष सहित सदस्यहरुलाई वडा कार्यालयमा   वडा सचिव सुदर्शन फुयाल  लगायत कर्मचारी सहित स्थानीयले खादा मालाले स्वागत गरेका थिए ।

पदभार ग्रहण गरे संगै निर्वाचित वडा अध्यक्ष सुरज खड्काले आम मतदातालाइ  धन्यवाद दिदै जनचाहना अनुसार काम गर्ने बताएका छन । उनले वडाको समग्र बिकासका लागि आफ्नो ध्यान केन्द्रित हुने पनि बताएका छन । पदभार ग्रहण गरे संगै उनले  कागेश्वरी मनोहरा नगरपालिका वडा नं २ लाइ उज्यालो वडा बनाउन सडक बत्ति जडान गर्नुको साथै सुरक्षाका लागि आवश्यकता अनुसार सिसिटिभी जडानको लागि पहल गर्ने बताएका छन । उनले शिक्षा स्वास्थ्य खानेपानी यातायात   लगायत विकास निर्माणका काममा केन्द्रित रहने बताउदै भ्रस्टाचार मुक्त र सुशासनयुक्त कार्यालय बनाउन समेत केन्द्रित रहने बताएका छन ।

सोहि दिन  निवर्तमान वडा अध्यक्ष सुदर्शन धिमाल  र वडा सदस्य आत्माराम बस्नेतलाइ सम्मान सहित बिदाइ गरिएको थियो उक्त बिदाइ कार्यक्रममा  बोल्दै निवर्तमान वडा अध्यक्ष सुदर्शन धिमालले नव निर्वाचित वडा अध्यक्ष तथा सदस्यहरुलाई बधाई दिदै सफल कार्यकालको शुभकामना ब्यक्त गरेका थिए उनले जन प्रतिनिधि सबैको साझा भएको हुँदा पक्षपात नगरी सेवा प्रदान गरि उत्कृष्ट वडा निर्माणमा लाग्न प्रेरित गरेका थिए उनले जुनसुकै बेला जहाँसुकै पनि जनप्रतिनिधिहरुले आवश्यकता महसुस गरेको ठाउँमा आफू सक्रिय भएर लाग्ने  समेत  बताएका थिए ।