गोकर्णेश्वर- १ मा नव निर्वाचित वडा अध्यक्ष द्वारिका श्रेष्ठ सहित सदस्यहरुले पदभार ग्रहण गरे

कपन अनलाइन

काठमाडौं, जेठ १० ।    गोकर्णेश्वर  नगरपालिका वडा नं १ मा नव निर्वाचित वडा अध्यक्ष  द्वारिका श्रेष्ठ  सहित सदस्यहरुले सोमबार पदभार ग्रहण गरेका छन ।  सोमबार नै  नगरपालिकाको सभाहलमा नगर प्रमुख दिपक रिसालले पद तथा  गोपनियता सपथ खुवाए संगै वडा कार्यलय पुगी वडा अध्यक्ष  द्वारिका श्रेष्ठ  लगायत वडा सदस्यहरु केशब प्रसाद सिंखडा ,श्री कृष्ण तामाङ, अन्जली  तामाङ र सिता दर्जी ले   पदभार ग्रहण गरेका हुन  ।

नवनिर्वाचित वडा अध्यक्ष सहित सदस्यहरुलाई वडा कार्यालयमा  उत्तरबाहिनी गुरुकुलका बटुकहरुले स्वस्ति बाचन,  त्यसैगरि  सहित वडा सचिव लगायत कर्मचारी सहित स्थानीयले खादा मालाले स्वागत गरेका थिए ।

पदभार ग्रहण गरे संगै निर्वाचित वडा अध्यक्ष द्वारिका श्रेष्ठले आम मतदातालाइ  धन्यवाद दिदै जनचाहना अनुसार काम गर्ने बताएका छन । उनले वडाको समग्र बिकासका लागि आफ्नो ध्यान केन्द्रित हुने पनि बताएका छन ।पदभार ग्रहण गरे संगै उनले गोकर्णेश्वर नगरपालिका वडा नं १ सुन्दरीजल क्षेत्र पर्यटकीय क्षेत्र भएको हुँदा त्यसको प्रवर्धनमा काम गर्ने बताउदै उक्त क्षेत्रमा आधुनिक  सार्वजनिक सौचालय निर्माणको लागि पहल गर्ने समेत बताएका छन । उनले शिक्षा स्वास्थ्य खानेपानी  लगायत विकास निर्माणका काममा केन्द्रित रहने बताउदै भ्रस्टाचार मुक्त र सुशासनयुक्त कार्यालय बनाउन समेत केन्द्रित रहने बताएका छन ।