गोकर्णेश्वर -४ मा नि:शुल्क बालबालिकाको आँखा जांच शिविर सम्पन्न

कपन अनलाइन

काठमाडौं, चैत्र २९ । गोकर्णेश्वर नगरपालिका वडा नं ४ मा चैत्र २६ गते नि:शुल्क आँखा जांच शिविर  सम्पन्न भएको छ । नगरपालिकाको सहयोग तथा  गोकर्णेश्वर युवा जागरण क्लब (GFG) गोकर्णेश्वर ४ को संयोजनमा गोकर्णेश्वर-४ उत्तरबाहिनी चोकमा १८ बर्ष मुनिका बालबालिकाहरुलाई लक्षित गरि आयोजित नि:शुल्क आँखा जांच शिविरमा करिब २ सय जना बालबालिकाले आँखा परिक्षण गरेको गोकर्णेश्वर युवा जागरण क्लब (GFG) का अध्यक्ष विकेश श्रेष्ठले कपन अनलाइनलाइ जानकारी गराए ।

 प्रविधिको विकास र पहुँचका कारण बालबालिकाहरुले मोबाइल, ल्यापटब, टेलिभिजन एवं कम्प्युटरको अत्यधिक प्रयोग गर्ने हुँदा उनीहरुको आँखामा नकारात्मक असर पुगीरहेको अवस्थालाई मध्यनजर गरेर उक्त कार्यक्रम संचालन गरिएको अध्यक्ष श्रेष्ठले जानकारी गराए ।कोरोना महामारीको समय लामो समय  अनलाइन क्लासका कारण बालबालिकाको आँखामा समस्या देखिएको हुनसक्ने भएकोले पनि त्यो समस्या न्यूनिकरण गर्न आयोजित उक्त कार्यक्रम बिहान १० बजे देखि अपरान्ह ३ बजे सम्म संचालन भएको उक्त कार्यक्रममा नगर प्रमुख सन्तोष चालिसे उप प्रमुख शान्ती नेपाल लगायत आयोजक संस्थाका पदाधिकारी सहित स्थानीयको उपस्थिति रहेको थियो ।