कागेश्वरी मनोहरा नगरपालिका-७ मा नेपाली कांग्रेस बाट निर्वाचित वडा अध्यक्ष नेकपा एमालेमा प्रवेस

कपन अनलाइन

काठमाण्डौ ,चैत्र २२ ।

कागेश्वरी मनोहरा नगरपालिका  वडा नं ७ मा नेपाली कांग्रेस बाट निर्वाचित वडा अध्यक्ष जीवन थापा  नेकपा एमालेमा प्रवेस गरेका छन। २०७४ सालको स्थानीय तहको निर्वाचनमा १२९० मत सहित वडा अध्यक्षमा निर्वाचित भएका थापा नेकपा एमालेमा प्रवेस गरेका हुन् ।

आज आयोजित एक कार्यक्रममा थापालाई नेकपा एमालेका पोलिटब्युरो सदस्य रामेश्वर फुँयाल , बागमती प्रदेस कमिटी सदस्य मणिराम फुँयाल र  रामशरण ढुंगाना लगायतले स्वागत गरेका थिए।

त्यस्तै सोहि अवसरमा नेकपा एमाले बाट वडा नं ९ को सदस्यमा निर्वाचित भएर नेकपा एसमा सनाखत गरेका डोलनाथ पोखरेल पनि एमालेमै फर्किएका छन।पोखरेलले २०७४ सालको निर्वाचनमा १७२७ मत प्राप्त गरेका थिए।

यसैगरी सो अवसरमा वडा अध्यक्ष थापा संगै नेपाली कांग्रेसका क्रियाशील सदस्य राम न्यौपाने पनि नेकपा एमालेमा प्रवेस गरेका छन।