बुढानिलकण्ठ-१३ को अध्यक्षमा नेकपा एमालेका टिकेस नारायण श्रेष्ठको चर्चा

कपन अनलाइन

काठमाण्डौ ,चैत्र २१ ।

बुढानिलकण्ठ नगरपालिका वडा नं १३ को अध्यक्षमा नेकपा एमालेका तर्फ बाट टिकेस नारायण श्रेष्ठ उम्मेदवार बन्ने चर्चा चलेको छ।

नेकपा एमाले बुढानिलकण्ठ -१३ कमिटीका अध्यक्ष समेत रहेका श्रेष्ठ २०७९ बैशाख ३० गते हुने स्थानीय तहको निर्वाचनमा वडा अध्यक्ष पदमा उम्मेदवार बन्ने चर्चाले वडा नं १३ को राजनीतिमा तरंग पैदा गरेको छ।

राट्रिय युवा संघ नेपालका केन्द्रीय सचिवालय सदस्य समेत रहेका श्रेष्ठ वडा नं १३ का विकास निर्माण र सामाजिक गतिविधिमा निरन्तर सक्रिय रहँदै आएका छन।

वडा नं १३ का कुनाकाप्चामा पुगेर स्थानीयहरुको सेवामा सक्रिय रहेका श्रेष्ठले कोभिड प्रकोपको समयमा आफ्नो सवारी साधनलाई एम्बुलेन्सका रुपमा प्रयोग गरेका थिए भने वडा नं १३ को सांस्कृतिक विकासमा पनि उनले योगदान दिएका छन।

लामो समय देखि वडा नं १३ का विभिन्न सामाजिक विकासका अभियानमा जोडिएका श्रेष्ठको चुनिखेको कला ,संस्कृति र सभ्यता प्रवर्धनमा पनि योगदान रहेको छ ।