बुढानिलकण्ठ -१० मा विभिन्न पार्टी परित्याग गरी दर्जन बढी नेकपा एमालेमा प्रवेस
कपन अनलाइन
काठमाण्डौ ,चैत्र २०।
बुढानिलकण्ठ नगरपालिका वडा नं १० मा विभिन्न पार्टी परित्याग गरी दर्जन बढी नेकपा एमालेमा प्रवेस गरेका छन। नेकपा एमाले बुढानिलकण्ठ नगरपालिका वडा नं १० को कार्यालयमा आयोजना गरिएको पार्टी प्रवेस कार्यक्रममा विभिन्न पार्टीहरु परित्याग गरेर १३ जना नेकपा एमालेमा प्रवेस गरेका हुन् ।
पार्टी प्रवेश गर्नेहरुमा बलबहादुर विश्वकर्मा, दिनेश सुनार, विवेक गजमेर, आकाश सुनार, रमेश गजमेर, विशाल वि.क., दीपा राई, एलम राई, करण वि.क., केशव पुरी, विक्रम सेन्चुरी, पूर्ण बहादुर सुनुवार र रमेश सुनार रहेका छन् ।
नेकपा एमालेका स्थायी कमिटी सदस्य तथा विदेस विभाग प्रमुख डा. राजन भट्टराईको प्रमुख आतिथ्यतामा भएको सो कार्यक्रममा बागमती प्रदेस कमिटी सदस्य मिठाराम अधिकारी , काठमाण्डौ जिल्ला कमिटीका उपसचिव तेज ढकाल, नगर इन्चार्ज लक्ष्मी संग्रौला , बुढानिलकण्ठ नगरपालिका उपप्रमुख रमा राई , वडा नं १० का अध्यक्ष तथा नगर प्रवक्ता नवराज भट्टराई , प्रदेस क्षेत्र ४ ( २ ) संयोजक राजन पोखरेल लगायतको उपस्थिति रहेको थियो।
बुढानिलकण्ठ नगरपालिका वडा नं १० कमिटी अध्यक्ष जगत निरौलाको अध्यक्षतामा भएको सो पार्टी प्रवेस कार्यकमको संयोजन जिल्ला कमिटी सदस्य तथा ४ ( २ ) सह संयोजक शिला लामाले गरेकी थिइन।
