अमेरिका निवासी जयन्द्र लामाको सहयोगमा गोकर्णेश्वरका दुइ बिध्यालयलाइ कम्प्युटर सहयोग
कपन अनलाइन
काठमाडौं, चैत्र ११ । शिक्षालाई आधुनिक प्रविधि सुहाउँदो बनाउने उद्देश्य सहित गोकर्णेश्वर नगरपालिका वडा नं १का दुइ सामुदायिक बिध्यालयलाइ कम्प्युटर प्रदान गरिएको छ । गोकर्णेश्वर नगरपालिका वडा नं १मा रहेको श्री सुन्दरीजल आधारभूत बिद्यालय र श्री बागद्वार आधारभूत बिद्यालयलाइ वडा अध्यक्ष राम मानन्धर र गोकर्णेश्वर युवा तथा खेलकुद विकास समितिका अध्यक्ष संजय लामाको पहलमा अमेरिका निवासी जयनन्द लामाको सहयोगमा उक्त बिद्यालयलाइ कम्युटर, स्टेशनरी सामान प्रदान गरेका हुन।
चैत्र ९ गते बुधबार एक कार्यक्रमका बीच उक्त सामग्री नगर प्रमुख सन्तोष चालिसेले बिध्यालयलाइ हस्तातरण गरेका हुन । सोहि कार्यक्रममा नेपाली काँग्रेस गोकर्णेश्वर नगरपालिका वडा नं १ का उप सभापति तिर्थ तामाङ्गले बागद्वार आघारभुत बिधालयको शैक्षिक उन्नयनका लागि नगद रु ३० हजारसमेत प्रदान गरेका छन । कार्यक्रममा गोकर्णेश्वर नगरपालिकाका सल्लाहकार दिपक रिसाल बिध्यालयका प्रधानाध्यापक, शिक्षक तथा बिद्यार्थीहरुको उपस्थिति रहेको थियो । सामुदायिक विद्यालयमा प्रदान गरिएको कम्प्यूटरले विद्यार्थीलाइ कम्प्युटर शिक्षा प्रदान गर्न सहज हुने बिश्वास गरिएको छ ।
