लायन्स तथा लियो क्लब अफ काठमाण्डौं डाँफे द्वारा आयोजित नि:शुल्क आँखा परिक्षण शिविर सम्पन्न
कपन अनलाइन
काठमाडौं चैत्र २ । लायन्स क्लब इन्टरनेसनल डिस्ट्रिक ३२५ ए१ अन्तर्गतको लायन्स तथा लियो क्लब अफ काठमाण्डौं डाँफेद्वारा आयोजित आँखा परिक्षण शिविर सफलता पुर्वक सम्पन्न भएको छ ।
फागुन २७ गते शुक्रबार गोकर्णेश्वर नगरपालिका वडा नं. ३ बालुवा स्थित श्री देवि बालसुधार माध्यमिक बिद्यालय र श्री तारेभिर आधारभुत बिद्यालयमा अध्ययनरत बिद्यार्थीहरुलाई लक्षित गरि आयोजना गरिएको कार्यक्रममा श्री देवी बालसुधार मा.वि.का १०० जना र श्री तारेभिर आधारभुत बिद्यालयका १०३ जना समेत गरि जम्मा २०३ जना बिद्यार्थीहरुको आँखा परिक्षण गरिएको लायन्स क्लब अफ काठमाडौं डाँफेका प्रेसिडेन्ट लायन बच्चुराम शर्मा कुइकेलले कपन अनलाइनलाइ जानकारी गराए ।
उनका अनुसार बिद्यार्थीहरुको आँखा परिक्षण गर्ने क्रममा बिद्यार्थीहरुलाई आवश्यकता बमोजिम औषधि बितरण गरिएको र आँखा जाँचको क्रममा चश्मा आवश्यक देखिएका १२ जना बिद्यार्थीहरुलाई निःशुल्क रुपमा चस्मा उपलब्ध गराउने योजना समेत रहेको जानकारी गराए ।
बि.पि. कोईराला लायन्स नेत्र अध्ययन केन्द्रको प्राबिधिक सहयोगमा सम्पन्न कार्यत्रममा बिद्यालयमा अध्यापनरत शिक्षक शिक्षिकाहरुको समेत आँखा परिक्षण गरिएको थियो। कार्यक्रम सफलता पुर्वक सम्पन्न गर्न सहयोग गर्ने सबैलाई आयोजकले धन्यबाद ब्यक्त गरेको छ ।कार्यक्रममा डिस्ट्रिक गभर्नर लायन रेवत बहादुर कार्की सहित लायन्स लिडर तथा आयोजक संस्थाका पदाधिकारीको उपस्थिति रहेको थियो ।
