शिवरात्रिमा गोकर्णेश्वर महादेव मन्दिरमा आएका भक्तजनलाइ नि:शुल्क जुस तथा माक्स वितरण

कपन अनलाइन

काठमाडौं, फाल्गुन १८ ।महाशिवरात्रिको अबशर पारेर   गोकर्णेश्वर महादेव मन्दिरमा आएका श्रदालु भक्तजनहरुलाई नि:शुल्क  जुस  मास्क वितरण गरिएको छ ।मंगलबार महाशिवरात्रिको अवसर पारेर गोकर्णेश्वर ४ मा रहेको उन्नती जागरण महिला समुहले निशुल्क जुस तथा माक्स वितरण  गरेको हो । उक्त कार्यक्रममा गोकर्णेश्वर नगरपालिका प्रमुख सन्तोष चालिसे वडा अध्यक्ष श्रीकुमार श्रेष्ठ लगायतको सहभागिता रहेको थियो  ।  महाशिवरात्रिमा  गोकर्णेश्वर महादेव  मन्दिरमा दर्शनार्थीको भीडलाइ मध्यनजर गर्दै  कोरोना भाइरसको संक्रमणको जोखिम बढ्ने भएकाले मास्क  वितरण गरिएको आयोजकले जानकारी गराएको छ । शिव उत्पत्ति भएको रातका नामबाट नामकरण भएको महाशिवरात्री प्रत्येक वर्षको फागुन कृष्ण चतुर्दशीका दिन मनाइने प्रचलन छ । कालरात्रि, मोहरात्रि, सुखरात्रि र शिवरात्रि नामक चार प्रमुख रात्रिमध्ये एक पवित्र पर्वका रूपमा यसलाई पुराणमा वर्णन गरिएको छ ।

महाशिवरात्रीको अवसरमा गोकर्णेश्वर महादेव मन्दिर क्षेत्र प्रबन्ध समितिले महाशिवरात्री बिशेष कार्यक्रम आयोजना गरेको छ।  दिवाकालिन र रात्रीकालिन गरि दुइ खण्डमा विभाजन गरिएको उक्त कार्यक्रमको दिवाकालिन कार्यक्रम अन्तर्गत   बिहान ७ बजे औपचारिक कार्यक्रम  गरेको थियो भने बिहान ८ बजे शिवतत्व विमर्श प्रवचन त्यसैगरी ९ बजे देखि १२ बजे सम्म सामुहिक रुद्राभिषेक त्यस्तै २ बजे पश्चात बिशेष  संगीर्तन र प्रसाद बितरण कार्यक्रम रहेको थियो ।त्यसै गरि रात्रीकालिन कार्यक्रम अन्तर्गत सन्ध्याकालीन गंगा आरति चार प्रहर बिशेष पुजा र भक्तिनाम संकिर्तन गरेको ।गोकर्णेश्वर नगरपालिका प्रायोजक रहेको उक्त कार्यक्रममा सह आयोजकको रुपमा विश्व हिन्दु महासंघ काठमाडौं जिल्ला समिति, गोकर्णेश्वर बागमती गंगा आरती समिति , गोकर्णेश्वर युवा उपकर क्लब र गोकर्ण युवा समूह रहेको थियो   ।