नेकपा एमाले बुढानिलकण्ठ -४ को तेश्रो रक्तदान कार्यक्रम सम्पन्न

कपन अनलाइन

काठमाण्डौ ,फागुन १४।

नेकपा एमाले बुढानिलकण्ठ नगरपालिका वडा नं  ४ कमिटीको तेश्रो रक्तदान कार्यक्रम सम्पन्न भएको छ। बुढानिलकण्ठ नगरपालिका वडा नं ४ श्री राम चोकमा भएको सो कार्यक्रममा ४३ जनाले रक्तदान गरेका थिए।

नेकपा एमाले काठमाण्डौका अध्यक्ष तथा काठमाण्डौ क्षेत्र नं ५ ( २ ) बाट निर्वाचित प्रदेस सभा सदस्य दीपक निरौलाको प्रमुख आतिथ्यतामा भएको सो कार्यक्रममा रक्तदाताहरुलाई प्रमाण पत्र वितरण गरिएको थियो।

बुढानिलकण्ठ नगरपालिका वडा नं  ४ कमिटी नियमित रुपमा  रक्तदान कार्यक्रम गर्दै आएको जानकारी दिदै अध्यक्ष कमला पन्तले  अहिले कोरोना प्रकोपका कारण भएको रगत अभाव पूर्तिका लागि आयोजना गरिएको कार्यक्रममा सहयोग गर्ने सबैलाई धन्यवाद दिएकी छन।