गोकर्णेश्वर युवा जागरण क्लब (GFG)ले स्व.गोपाल श्रेष्ठको स्मृतिमा ४ नं वडा स्तरीय ब्याडमिन्टन प्रतियोगिता गर्दै

कपन अनलाइन

काठमाडौँ, माघ २६ । गोकर्णेश्वर नगरपालिका वडा नं ४ मा रहेको गोकर्णेश्वर युवा जागरण क्लब (GFG)ले स्वर्गीय गोपाल श्रेष्ठको स्मृतिमा  गोकर्णेश्वर नगरपालिका ४ नं वडा स्तरीय ब्याडमिन्टन प्रतियोगिता आयोजना गर्ने  भएको छ ।  नेपाल तरुण दल गोकर्णेश्वर नगर समिति, काठमाडौंका अध्यक्ष  तथा  गोकर्णेश्वर युवा जागरण क्लबका सल्लाहकार समेत रहेका स्व. गोपाल श्रेष्ठको हृदयाघातका कारण निधन भएको थियो। उनकै सम्झनामा  खेलको माध्यमबाट आपसी भाइचारा मित्रता र सामाजिक सदभाब कायम गर्दै वडा बाट प्रतिभावान खलाडी उत्पादन गर्ने उदेश्यका साथ माघ २७ गते देखि  वडा स्तरीय ब्याडमिन्टन प्रतियोगिता  आयोजना गर्न लागिएको गोकर्णेश्वर  युवा जागरण क्लबका अध्यक्ष विकेश श्रेष्ठले जानकारी गराए। गोकर्णेश्वर नगरपालिका वडा नं ४ उत्तरबाहिनीस्थित ब्याडमिन्टन कोर्टमा हुने उक्त प्रतियोगीतमा कुल १६ टिम रहेको आयोजकले जानकारी गराएको छ । सो प्रतियोगिताको टाई सिट समेत आजै प्रकाशन गरेको क्लबले जानकारी गराएको छ ।