रातको करिव ९.३० बजे कपन क्याम्पस नजिक बालुवा निकाल्दै गरेको जेसिबी र ट्रीपर कपन प्रहरीको नियन्त्रणमा
कपन अनलाइन
काठमाण्डौ ,माघ १५।
कपन क्याम्पस नजिकबाट बालुवा निकाल्दै गरेको ट्रीपर र जेसिबी कपन प्रहरीले नियन्त्रणमा लिएको छ।
माघ १४ गते राति करिव ९.३० बजेको समयमा बुढानिलकण्ठ नगरपालिका वडा नं १० मा रहेको कपन बहुमुखी क्याम्पस नजिक बालुवा निकाल्दै गरेको जेसिबी र ओसारपसारमा संलग्न बा ५ ख ४७६२ नम्बरको ट्रीपरलाई प्रहरीले नियन्त्रणमा लिएर कपन प्रहरी प्रभागमा राखेको छ।
हाल सम्म उक्त ट्रीपर र जेसिबी चालकहरुले बालुवा निकाल्ने अनुमति र अन्य कुनै पनि अधिकारिक कागजात नदेखाएको जानकारी दिदै कपन प्रहरीले सम्बन्धित धनी सम्पर्कमा आएको र आज सो विषयमा छलफल हुने बताएको छ।
केहि समय अगाडी पनि सो क्षेत्रको बालुवा बेचबिखन र उपयोगका वारेमा निकै चर्चा भएको थियो। पटक पटक सो क्षेत्रको बालुवा अपचलन र दुरुपयोगको गुनासो बढेसंगै बुढानिलकण्ठ नगरपालिकाको सार्वजनिक लेखा समितीले प्रतिवेदन तयार पारेर नगर सभामा प्रस्तुत गरेको थियो।
