गोकर्णेश्वर नगरपालिकाले नगर भित्र रहेका राष्ट्रिय तथा अन्तर्राष्ट्रिय खेलाडीहरुलाई सम्मान गर्ने
कपन अनलाइन
काठमाडौं, माघ १४ । गोकर्णेश्वर नगरपालिका युवा तथा खेलकुद विकास समितिले राष्ट्रिय तथा अन्तर्राष्ट्रिय खेलाडी सम्मान कार्यक्रम सम्बन्धी सार्वजनिक सुचना जारी गरेको छ। युवा तथा खेलकुद उपशाखा प्रमुख रामनारायण शाहले जारी गरेको उक्त सुचनामा २०७८ साल माघ १२ गते वडा अध्यक्षहरु लगायत युवा तथा खेलकुद विकास समितिको संयुक्त निर्णयनुसार गोकर्णेश्वर नगरपालिकामा स्थायी वा अस्थायी रुपमा बसोबास गरि सम्पूर्ण कुनैपनि खेल विधामा राष्ट्रिय तथा अन्तर्राष्ट्रिय ख्याती प्राप्त गरेका खेलाडीहरुलाई नगरपालिकाले सम्मान गर्ने कार्यक्रम तय गरेकोले त्यस्ता खेलाडीहरुले मिति २०७८ साल माघ १८ गते भित्र आफ्नो प्रमाणपत्रको प्रतिलिपि र बायोडाटा सहित निवेदन सम्बन्धित वडा कार्यालय वा शिक्षा युवा तथा खेलकुद शाखामा पेश गर्नको लागि सार्वजनिक सुचना मार्फत अनुरोध गरिएको छ ।
