पछिल्लो २४ घण्टामा मुलुकमा ८४५४ जना कोभिड संक्रमित थपिए

कपन अनलाइन

काठमाण्डौ ,माघ १२ ।

पछिल्लो २४ घण्टामा मुलुकमा ८४५४ जना कोभिड संक्रमित थपिएका छन् । स्वास्थ्य मन्त्रालयका अनुसार २० हजार ३५९ नमुना (५५७१ पीसीआर र ६८१० एन्टीजेन) परीक्षण गर्दा ती संक्रमित थपिएका हुन् ।

मन्त्रालयद्वारा आयोजित नियमित प्रेस ब्रिफिङमा इपिडिमियोलोजी तथा रोग नियन्त्रण महाशाखाका प्रमुख डा. कृष्ण पौडेलले ४१.१ दैनिक संक्रमणदर भएको बताए । उनले संक्रमणदर उकालो लागिरहेको समेत जनाए ।

‘संक्रमितको संख्या उकालो लाग्दै जाँदा अस्पतालमा बिरामीको चाप बढ्न सक्छ’ पौडेलले भने । बुधबार थप ४४३३ जना निको भएका छन् भने ५ जनाको मृत्यु भएको छ ।