बुढानीलकण्ठ नगरपालिकाको नवौं नगर सभा सम्पन्न

कपन अनलाइन

काठमाण्डौ ,पौष २२।

बुढानीलकण्ठ नगरपालिकाको नवौं नगर सभा सम्पन्न भएको छ। नगर प्रमुख उद्धव प्रसाद खरेलको अध्यक्षतामा सम्पन्न नगर सभामा  उपप्रमुख रमादेवी राईले आयव्यय प्रतिवेदन प्रस्तुत गरेकी थिइन्।

बुढानिलकण्ठ नगरपालिका वडा नं ७ मा रहेको अमुप्रस्थ पार्टी प्यालेसमा भएको सो नगर सभामा  न्यायिक समितिद्वारा सम्पादित कार्यहरुको प्रतिवेदन पुस्तक सार्वजनिक गरिएको थियो।

विभिन्न समितीहरुका प्रतिवेदनहरु प्रस्तुतिका साथै नगरपालिकाको आर्थिक र विकास योजनाहरु प्रस्तुत गरिएको नगरसभाको सुन्य समयमा प्रमुख उद्धव खरेलले जिज्ञाशाहरुको जवाफ दिएका थिए।

पहिलो स्थानिय तहको निर्वाचनबाट निर्वाचित भएका जनप्रतिनिधिहरुको यस कार्यकालमा अन्तिम नगर सभाका रुपमा रहेको नवौ नगर सभाले  उपप्रमुख रमादेवी राईले आयव्यय प्रतिवेदन प्रस्तुत गरेकी थिइन्।

२०७४ साल बैशाख ३१ गते निर्वाचित भएर निर्वाचन घोषणा नहुँदा सम्म सोहि दिनलाई कार्यकालको सिमा मान्दा अव १३० दिनको कार्यसमय रहेका जनप्रतिनिधिहरुले सो नगर सभामा विभिन्न सुझाव र योजनाहरु प्रस्तुत गरेका थिए।

पहिलो पटक स्थानीय तहको निर्वाचनमा विजयी बन्दै इतिहास बनाएका जनप्रतिनिधिहरु अन्तिम नगर सभामा रोमान्चकता ,संसय,आशा,निराशा ,गुनासा र गर्व मिश्रित मुहार लिएर उपस्थित भएको नगर सभामा उपस्थित एक संचारकर्मीले विश्लेषण गरेका छन।