बुढानिलकण्ठ -११ का विकास योजना निरीक्षणमा डा.राजन भट्टराई

कपन अनलाइन
काठमाण्डौ , पुस १२।

नेकपा एमालेका स्थायी कमिटी सदस्य डा. राजन भट्टराईले बुढानिलकण्ठ नगरपालिका वडा नं ११ मा निर्माणाधीन विकास योजनाको निरीक्षण गरेका छन।

वडा नं ११ कृष्ण मन्दिर भित्रि बाटोमा भैरहेको सडक ढलान कार्यको निरीक्षण गरेका डा. भट्टराईले  नेकपा एमाले बुढानिलकण्ठ -११ वडा कमिटीको कार्यालय समेत उद्घाटन गरेका थिए।

सो सडक ढलान योजना निरीक्षणमा नेकपा एमाले बागमती प्रदेस कमिटी सदस्य मिठाराम अधिकारी,संगम गहतराज , जिल्ला कमिटी सदस्य तथा कार्यालय सचिव विदुर विक्रम खड्का ,जिल्ला कमिटी सदस्य तथा काठमाण्डौ क्षेत्र नं ४ का संयोजक तेज ढकाल लगायतको सहभागिता रहेको नेकपा एमाले बुढानिलकण्ठ नगर कमिटी का सचिवालय सदस्य तथा वडा सदस्य बिनोद कुमार तामाङ्गले जानकारी दिएका छन।