विद्यार्थीलाई जस्तै परिचय पत्रका आधारमा खेलाडीहरुलाई पनि यातायातमा छुट दिनुपर्छ :रमेस पौडेल

कपन अनलाइन

काठमाण्डौ ,असार २८।

नेपाल खेलकुद महासंघका अध्यक्ष रमेस पौडेलले विद्यार्थीलाई जस्तै खेलाडी परिचय पत्रका आधारमा यातायातमा छुट दिनुपर्ने माग गरेका छन।

काठमाण्डौमा आयोजित उपलव्ध केन्द्रिय सदस्यहरुको बैठकलाई संबोधन गर्दै पौडेलले खेलाडीहरुको योगदान र मेहेनतको कदर गर्दै हरेक यातायातमा विशेष छुटको व्यवस्था गर्नुपर्ने माग गरेका थिए।

आफ्नो कमिटीले  जिम्मेवारी सम्हालेको ८८ दिन आइपुग्दा निशुल्क उपचार , खोप व्यवस्था ,राजनीतिक प्रशिक्षण सहित कोभिड विरुद्ध विभिन्न अभियान संचालन गरेको जानकारी दिदै पौडेलले खेल र खेलाडीहरुको हितका लागि आगामी दिनमा अझै शशक्त कार्यक्रमहरु लिएर आउने बताएका छन।

अस्पतालमा उपचार ,मैदानमा नियमित प्रशिक्षण, खेल जीवन पछी सम्मानजनक जीवनयापन जस्ता विषय महासंघको प्रमुख उदेस्य र दायित्व रहेको भन्दै अध्यक्ष पौडेलले यसका लागि प्रभावकारी रुपमा लाग्न सबै पदाधिकारी तथा सदस्यहरुलाई निर्देशन दिएका थिए ।