चामुण्डा रथ यात्रा सम्पन्न

कपन अनलाइन

काठमाडौं, बैशाख ८। गत  बर्ष कोरोना भइरसका कारण स्थगित भएको चामुण्डा रथ यात्रा एस पटक स्वास्थ्य सुरक्षा मापदण्ड अपनाएर संचालन गरिएको छ ।हरेक वर्ष चैत्र अष्टमिका दिन पन्चवली सहित निकालिएको  सो रथ जात्रा जोरपाटी , आरुबारी , नयाबस्ती हुंदै पुन चामुण्डा मन्दिरमै ल्याई  विसर्जन  गरिएको थियो ।

 २०४१ साल देखि निरन्तर निकालिंदै आएको चामुण्डा रथयात्रा  उल्लेख्य भक्तजनको सहभागिता रहेको थियो । कार्यक्रममा गोकर्णेश्वर नगरपालिका प्रमुख सन्तोष चालिसे, उप प्रमुख  शान्ती नेपाल , गोकर्णेश्वर नगरपालिका वडा नं ५ का वडा अध्यक्ष नारायण बहादुर सुवेदी, नगरपालिकाका प्रवक्ता एबम वडा नं ८ का वडा अध्यक्ष मनोज कुमार ढुंगाना, वडा नं ९ का वडा अध्यक्ष राजिब थापा , नगरपालिकाका सल्लाहकार दिपक रिसाल लगायत जनप्रतिनिधिहरु सहित स्थानीयले रथ यात्रामा सहभागिता जनाएका थिए।

  बिभिन्न झाकी र बाजा सहित बिभिन्न स्थान परिक्रमा गराइएको सो रथ लाइ पुन चामुण्डा मन्दिरमा ल्याई बिसर्जन गरिएको थियो ।  उक्त कार्यक्रमलाइ नगर प्रमुख सन्तोष चालिसे, गोकर्णेश्वर नगरपालिका वडा नं ५ का वडा अध्यक्ष नारायण बहादुर सुवेदी लगायतले सम्बोधन गरेका थिए ।