राष्ट्रिय युवा संघ नेपाल सिन्धुपाल्चोको दुई दिने प्रशिक्षण सम्पन्न
कपन अनलाइन
सिन्धुपाल्चोक ,चैत्र २९ /विशाल आचार्य
राष्ट्रिय युवा संघ नेपाल सिन्धुपाल्चोकले २ दिने प्रशिक्षण कार्यक्रम सम्पन्न गरेको छ । राष्ट्रिय युवा संघ नेपालको इन्चार्ज तथा सांसद महेश बस्नेतको प्रमुख आतिथ्यतामा ग्रान्ड स्टार रिशोर्ट बाह्रबिसेमा चैत्र २७ र २८ मा गरिएको सो प्रशिक्षण जिल्लाका युवाहरुको सहभागिता रहेको थियो।
‘न्याय प्रेमी युवाहरु युवा संघमा,सामाजिक परिवर्तन युवाको काधमा’ भन्ने मुल नाराका साथ युवा संघमा आबद्द भएका युवालाई सुभकामना दिदै राष्ट्रिय युवा संघ नेपालको इन्चार्ज तथा सांसद बस्नेतले युवाको भूमिका तथा कर्तब्य बारेमा प्रशिक्षण दिएका थिए । उक्त्त दुइ दिनको प्रशिक्षण चारवटा बिषयमा युवाहरुलाई प्रशिक्षण गरिएको थियो ।
राष्ट्रिय युवा संघको ऐतिहासिक पृष्ठभूमि बारेमा युवा संघ नेपाल केन्द्रीय स्थाई कमिटि सदश्य तथा युवा संघ जिल्ला संयोजक राजकुमार सुबेदीले , नेपाल कम्युनिष्ट पार्टीको ऐतिहासिक पृष्ठभूमि , पार्टी र युवाको सम्बन्धमा पार्टी केन्द्रीय सदस्य हस्त पण्डितले , जनताको बहुदलीय जनवाद सम्बन्धमा जुगल गाउँपालिका अध्यक्ष तथा पार्टी केन्द्रीय सदस्य होमनारायण श्रेष्ठले र युवा बिकास र समृद्धि बिषयमा राष्ट्रिय युवा संघ नेपाल केन्द्रीय उपाध्यक्ष असोक चौलागाईले प्रशिक्षण दिएका थिए।
कार्यक्रममा पहिलो दिन प्रमुख अतिथिको रुपमा पार्टी केन्द्रीय सदस्य , युवा इन्चार्ज महेश बस्नेत रहेका थिए भने दोस्रो दिनको प्रमुख अतिथि प्रदेश सभा सदस्य सरेश नेपालको सुभकामना तथा मन्तब्य वाट सुरु भएको थियो ।
कार्यक्रममा पार्टी जिल्ला अध्यक्ष बालकृष्ण देउजा ,अनेम संघ जिल्ला अध्यक्ष बालकुमारी सापकोटाले पनि सुभकामना मन्तब्य राखेका थिए ।
