चैत्र २१ गते बुढानिलकण्ठमा हुने प्रथम किशुन जी हाफ म्याराथनको तयारी अन्तिम चरणमा

चैत्र २१ गते बुढानिलकण्ठमा हुने प्रथम किशुन जी हाफ म्याराथनको तयारी अन्तिम चरणमा पुगेको छ।

नेपाल लोकतान्त्रिक खेलकुद संघ बागमती  प्रदेशको आयोजनामा हुने उक्त हाफ  म्याराथन प्रतियोगिता   काठमाण्डौ क्षेत्र नं. ४ गोल्फुटारस्थित बास्केटबल कोर्टबाट सुरु हुँदै  धुम्बाराही चोक, चावहिल, गौशाला, रातोपुल, ज्ञानेश्वर, कमलपोखरी, जयनेपाल हल, दरवारमार्ग, केशरमहल, लैनचौर, लाजिम्पाट, पानीपोखरी, नारायणगोपाल चोक, बुढानिलकण्ठ प्रहरी बिट हुँदै पुनः सोहिस्थानमा आएर समापन हुनेछ ।

प्रतियोगितामा विजयी शिर्ष तीन खेलाडीहरुले नगद २५ हजार, १५ हजार र १० हजार प्राप्त गर्नेछन् । यस्तै चौथो र पाँचौ स्थान प्राप्त गर्ने खेलाडीहरुले नगद ५/५ हजार प्राप्त गर्ने नेपाल लोकतान्त्रिक खेलकुद संघ बागमती प्रदेशका प्रमुख दिपक गुरुङले जानकारी दिएका छन।

सो प्रतियोगिताको तयारी अन्तिम चरणमा पुगेको जानकारी दिदै गुरुङ्गले सहभागी हुन् इच्छुक ब्यक्तिहरुले [email protected] मा सम्पर्क गर्न सक्ने बताउदै सहयोगका लागि सबै खेल प्रेमीमा अनुरोध गरेका छन।