टोखामा निर्माणाधीन घरको ट्याङ्की भित्र शव फेला पर्यो

कपन अनलाइन

काठमाण्डौ ,चैत्र १० ।

टोखा नगरपालिकामा एक निर्माणाधीन घरको ट्याङ्कीभित्र शव फेला परेको छ । टोखा भत्केको पुलसँगै रहेको पुष्पराज गुरुङको निर्माणाधीन घरको ट्याङ्कीभित्र पुरुषको शव फेला परेको महानगरीय अपराध महाशाखाका एसएसपी चन्द्रकुवेर खापुङले जानकारी दिएका छन  ।

महानगरीय प्रहरी परिसर काठमाडौं र अपराध महाशाखाको टोली घटनास्थलमा पुगेको छ । अहिले रिजर्भ ट्याङ्कीबाट शव निकाल्ने प्रयास भइरहेको छ । प्यूठान घर भएका एक मजदुर एक महिना अघि हराएका थिए । शवको पहिचान भइसकेको छैन । गुरुङको घर निर्माणको काम गरिरहेका मजदुर हराएको उनका आफन्तले परिवारलाई जानकारी  दिएका छन  ।