बुढानिलकण्ठ नगरपालिका वडा नं २ को ध्यान बस्ति स्तरीय सडक निर्माणमा केन्द्रित
कपन अनलाइन
काठमाण्डौ ,चैत्र ६/निशा बराल
बुढानिलकण्ठ नगरपालिका वडा नं २ ले वडाका मूल सडक निर्माण सम्पन्न भए संगै साना तथा भित्रि सडकलाई प्राथमिकतामा राखेको बताएको छ।
वडा नं २ मा रहेका मुख्य सडकहरुमा कालोपत्रे तथा ढलान गर्ने कार्य अन्तिम चरणमा रहेको जानकारी दिदै वडा अध्यक्ष राजेन्द्र खड्काले अवको समय साना सडक तथा बाटो निर्माणमा केन्द्रित हुने बताएका छन।
वडा नं २ ले पंचकन्या -बदेली ,साप्रेढुंगा -सुन्दरटार ,चपली -चुनिखेल ,रुद्रेश्वर जस्ता मुख्य सडक कालोपत्रे पश्चात बद्र बस्ति सडक कालोपत्रे गर्दै बस्ति स्तरीय सडक निर्माण शुरु गरेको हो।
भद्र बस्ति सडक कालोपत्र अनुगमनमा वडा सदस्यहरु राजेन्द्र श्रेष्ठ ,ज्ञानु कार्की थापा सहित पुगेका वडा अध्यक्ष खड्काले अव टोल टोलमा कालोपत्र -ढलान अभियान हुने जानकारी दिएका छन ।
(निशा बराल सुशासन र समृद्धिका लागि संचार अभियानकी प्रशिक्षार्थी पत्रकार हुन् )
