महाशिवरात्रीको अवसरमा गोकर्णेश्वर महादेव मन्दिरमा बिशेष बागमती गङ्गा आरती हुने

कपन अनलाइन

काठमाडौँ, फागुन २७ । महाशिवरात्रीको अवसरमा गोकर्णेश्वर नगरपालिका वडा नं ४ स्थित गोकर्णेश्वर महादेव मन्दिरमा बिशेष बागमती गङ्गा आरति हुने भएको छ। गोकर्णेश्वर बागमती गङ्गा आरति उपसमितिले हरेक महिनाको अन्तिम सोमबार  गर्दै आएको बागमती गङ्गा आरति शिवरात्रिको अवसरमा बिशेष  बागमती गङ्गा आरति गर्न लागिएको आयोजकले जानकारी गराएको छ  । अपरान्ह ४ बजे देखि भजन किर्तन सहित आयोजना हुने उक्त आरतीमा सहभागी हुन पनि  आयोजकले  सबैलाई अनुरोध गरेको छ।

शिवरात्रिका लागि मन्दिर परिसरमा सरसफाइ, स्वयं सेवक परिचालन लगायतका ब्वास्थापनको कार्य गरिसकिएको छ,मन्दिरमा सभ्य तरिकाले दर्शन र पूजा गर्ने वातावरण बनाउन मन्दिर व्यवस्थापन समितिले पहल गरिरहेको छ शिव रात्रिमा विशेष पूजाअर्चना साथै सन्ध्याकालीन आरती र भजन कीर्तनसहितका कार्यक्रममा सहभागी हुनको लागि पनि मन्दिर व्यवस्थापन समितिले अनुरोध गरेको छ  ।

 फाइल फोटो : सरोज बस्नेत