भगवती युवा क्लब गोकर्णेश्वर -९ को १४ औं साधारण सभा तथा रक्तदान कार्यक्रम हुने

कपन अनलाइन

काठमाडौँ, फागुन २७ । गोकर्णेश्वर नगरपालिका वडा नं ९ शंखडोल भगवती स्थान मा रहेको भगवती युवा क्लबको १४ साधारण सभा तथा रक्तदान कार्यक्रम हुने भएको छ । फागुन २९ गते शनिबार बिहान ८ बजे भगवती युवा क्लब शंखडोल कराते एकेडमीको हलमा  बिहान ८ बजे साधारण सभा हुनेछ भने सोहि दिन बिहान ११ बजे  देखि  रक्तदान जीवन दान भन्ने मूल नाराको साथमा  रक्तदान कार्यक्रम गर्न लागिएको भगवती युवा क्लबका अध्यक्ष संजय बि .क ले कपन अनलाइनलाइ जानकारी गराए ।

उनले रगत अभाबमा कसैले  ज्यान गुमाउन नपरोस भन्ने उदेश्य सहित संस्थाको १४ औं वार्षिक साधारण सभाको अवसरमा गर्न लागिएको रक्तदान कार्यक्रममा  उपस्थित भई रक्तदान गर्न र संस्थाको १४ बार्षिक साधारण सभामा पनि सहभागी हुन   अनुरोध गरेका छन ।   भगवती युवा क्लबले बिभिन्न समयमा  सामाजिक तथा मानवीय सेवा को साथै  खेल बिकासको क्षेत्रमा   क्रियाशील हुदै आएको छ  ।