मेलम्ची नगर स्तिरिय भलिबल प्रतियोगिता सम्पन्न
कपन अनलाइन
सिन्धुपाल्चोक ,फागुन ११ /सुशील सुवेदी
मेलम्ची नगरपालिकाको आयोजना तथा नेपाल गोजुरियो कराँते दोसंघ सिन्धुपाल्चोकको संयोजनमा भएको नगरस्तिरिय भलिबल प्रतियोगिता सम्पन्न भएको छ ।
प्रतियोगितामा मेलम्ची नगरपालीका वडा नम्बर ७ दुवाचौर ‘ए’ टिम पहिलो र वडा नम्बर २ दितिय भएको छ भने वडा नम्बर ७ दुवाचौरकै ‘बि ’ र मेलम्ची ११ तेस्रो भएको कार्यक्रम ब्यबस्थापक राजनमान श्रेष्ठले जानकारी दिएका छन । फागुन ७ गतेबाट सुरु भएको प्रतियोगिताको नगरप्रमुख डम्बर अर्यालले उद्घाटन गरेका थिए ।
समापनमा विजेतालाई पुरस्कार वितरण गर्दै नगरप्रमुख डम्बर अर्यालले आगामि दिनमा अझै राम्रो प्रगतिको कामना गर्नुका साथै खेल क्षेत्रका विकासको लागि नगरपालिका सकारात्मक रहेको बताउदै यस्ता खाले प्रतियोगिताले खेलाडि तथा खेलप्रेमिहरुमा हौसला मिलेको विस्वास ब्यक्त गरेका थिए ।
कार्यक्रममा पहिलो दोस्रो र तेस्रो हुनेले क्रमश १ लाख, ५० हजार र २५ ,२५ हजार ट्रफि र प्रमाण पत्र प्राप्त गरेका छन् । पहिला २ सेटमा मेलम्ची २ले मेलम्ची ७ लाई २५/२३, दुवाचौरले मेलम्ची २ लाई २५/२० र मेलम्ची २ ले दुवाचौरलाई २५ /१६मा हराएको थियो।
निकै प्रतिस्पर्धा र रोमाञ्चक बनेको खेलमा दुवाचौरले २५ /२१ र १५/११ले हराउदै नतिजा आफ्नो पोल्टामा पार्न सफल भएको नेपाल गोजुरियो कराँते दो संघ सिन्धुपाल्चोकका संयोजक सानुबाबु गिरिले जानकारी दिएका छन ।
(सुशिल सुवेदी सुशासन र समृद्धिका लागि संचार अभियानका प्रशिक्षार्थी पत्रकार हुन् )
