आम हड्तालको समर्थनमा चावहिलमा प्रदर्शन ,बुढानिलकण्ठका दुई जना पक्राउ
कपन अनलाइन
काठमाडौं ,माघ २२।
आम हड्तालको समर्थनमा चावहिलमा भएको प्रदर्शनमा बुढानिलकण्ठका दुई जना पक्राउ परेका छन। चावहिलमा भएको प्रदर्शन बाट गौशाला प्रहरीले नेकपा जिल्ला कमिटी सदस्य उद्दव चौलागाई र नगर सदस्य कमला गौतमलाई पक्राउ गरेको हो।
पक्राउ परेका उनीहरुलाई अहिले शशस्त्र प्रहरी गण नं २ रानीवारीमा राखिएको छ । त्यस्तै नेकपा स्थायी कमिटी सदस्य अस्ट लक्ष्मी शाक्य सहित काठमाडौंका विभिन्न स्थान बाट पक्राउ परेका आन्दोलनकारीहरुलाई पनि रानीवारी मै राखिएको छ।
आज आयोजना गरेको आम हड्तालको समर्थनमा प्रदर्शन गर्दा चावहिलमा प्रहरीले हातपात गरेको बताउदै पक्राउ परेकी कमला गौतमले धेरै जना लाठी चार्जका कारण घाइते भएको जानकारी दिएकी छन ।
सो स्थानमा नेकपा केन्द्रीय संघर्ष समितिका सचिव डा. विजय पौडेलका अनुसार कलंकीबाट गिरफ्तार गरिएका नेकपा स्थायी कमिटी सदस्य अष्टलक्ष्मी शाक्य, हितमान शाक्य, अनेमसंघकी केन्द्रीय कमिटी अध्यक्ष तथा केन्द्रीय कमिटी सदस्य अमृता थापा, केन्द्रीय सदस्य डा.विजय पौडेल सहितका ७२ जना नेताहरु रहेका छन ।
