टोखा सरस्वती चौरमा नयाँ सरस्वती मन्दिर बन्ने

कपन अनलाइन

काठमाडौं ,मंसिर १९।

काठमाण्डाैकाे टोखा नगरपालिका वडा नं ३, सरस्वती चौरमा नयाँ सरस्वती मन्दिर निर्माण हुने भएको छ । परापुर्वकाल देखि रहेको सरस्वती देवीको पुरानो मन्दिर भएकै स्थानमा नयाँ मन्दिर बन्न लागेको हो ।

टोखा नगरपालिका बडा नं ३ को पहलमा नगरपालिकाले यस आर्थिक वर्षमा २९ लाख रुपैयाँ बजेट विनियोजन गरेपछि सो मन्दिर बन्न लागेको मन्दिर निर्माण उपभोक्ता समितिका संयोजक राजेश श्रेष्ठले बताए ।

६२ लाख ५० हजारको कुल लागतमा बन्न लागेको यस मन्दिरका लागि आवश्यक थप रकम स्थानीय जनश्रमदान तथा अन्य दाताहरूबाट जुटाइने श्रेष्ठले बताए । आज एक कार्यक्रम बिच टोखा नगरपालिका वडा नं ३ का वडा अध्यक्ष सिंहराज श्रेष्ठ द्वारा क्षमा पूजा सम्पन्न गरी पुरानो संरचना भत्काउन सुरु गरियो । सो मन्दिरको निर्माण आर्थिक वर्ष २०७७।७८ मा सम्पन्न गर्ने लक्ष्य रहेको छ ।