बुढानिलकण्ठ -११ मा लसुनटार च्यानेडाँडा खेलमैदान बन्ने

कपन अनलाइन

काठमाडौं ,कार्तिक ३०।

बुढानिलकण्ठ -११ मा लसुनटार च्यानेडाँडा खेलमैदान बन्ने भएको छ। वडा नं ११ मा खेलकुद पूर्वाधार विकासका लागि आधुनिक इन्डोर खेलमैदान निर्माण गर्न लागिएको हो।

तिन रोपनी भन्दा बढी क्षेत्रफल रहेको सो स्थानमा खेल मैदान सहित माने र बाल उधान निर्माण गर्न लागिएको वडा नं ११ का अध्यक्ष राजु अधिकारीले बताएका छन।

वडा नं ११ मा खेलकुद पूर्वाधारको आवस्यकता रहेकोले सो स्थानमा सुविधा सम्पन्न खेलमैदान निर्माण गर्नुका साथै सो स्थानलाई बहुउपयोगी बनाउनका लागि विस्तृत परियोजना प्रतिवेदन (DPR ) तयारीको अन्तिम चरणमा पुगेको जानकारी दिंदै अधिकारीले चाडै बोलपत्र आव्हान गरिने बताएका छन।

वडामा खेलकुद प्रतियोगिता तथा कार्यक्रमहरुको आयोजना गर्न लागि उपयुक्त स्थान नभएको अवस्थालाई मध्ये नजर गर्दै सो स्थानमा मैदान निर्माणको पहल शुरु गरेको लसुनटार च्यानेडाँडा खेलमैदान उपभोक्ता समितिका अध्यक्ष दिलिप थापाले जानकारी दिएका छन।

हाल सो मैदानमा पर्खाल निर्माण लगायतका प्रारम्भिक पूर्वाधार विकास भैरहेको जानकारी दिदै उनले मैदान निर्माण संगै स्थानीय युवा तथा खेलप्रेमी लाभान्वित हुने विस्वास व्यक्त गरेका छन।