बुढानिलकण्ठ- २ को आइसोलेशन सेन्टरबाट तिन जना कोरोना जितेर फर्किए

कपन अनलाइन

काठमाडौं ,कार्तिक १४। निशा बराल/शिरिष पौडेल

बुढानिलकण्ठ नगरपालिका वडा नं २ स्थीत आइसोलेसन सेन्टरबाट तीनजना कोरोना मुक्त भई आ-आफ्नो घर फर्केका छन् । सानो अनौपचारिक कार्यक्रम मार्फत बुढानिलकण्ठ नगरपालिका वडा नं २ का वडा सदस्य राजेन्द्र श्रेष्ठ , वडा सदस्य ज्ञानु कार्कि थापा र चिकित्सक टोलिले निको भएका सङ्क्रमितलाई सुस्वास्थ्य को कामना गर्दै बिदाई गरिएको छ ।

बिदाइ गर्ने क्रममा वडा सदस्य श्रेष्ठले यस सेन्टरलाई संक्रमित मैत्रिबनाउन सल्लाहको आव्हान गर्दै उक्त सेन्टरबाट कोरोना जितेर फर्किएकाहरुलाई आफ्नो र परिवारको स्वास्थ्यको राम्रो ख्याल गर्न आग्रह गरेका छन् ।

आइसोलेसनमा बस्दा को अनुभव सुनाउदै गर्दा उनीहरुले आफु निकै सन्तुष्ट रहेको , जनप्रतिनिधि र स्वास्थ्यकर्मीको हौसला र राम्रो हेरविचारले नै आफु समयमा सङ्क्रमण मुक्त भएको उनले बताएका छन् र विशेष धन्यवाद व्यक्त गरेका छन् । उक्त बिदाइ पश्चात हाल तीनजना आईसोलेसनमा उपचाररत छन् ।

वर्ष दिनमा एकचोटि आउने नेपालीहरुको महान चाड दशैँमा समेत आफ्नो परिवारसँग मनाउन नपाएर दुखी रहेका सङ्क्रमितहरुलाई हौसला प्रदान गर्न नाचगान र अन्य कार्यक्रम गराएर आफु संक्रमित नै नभएको जस्तो महसुस गराईदिएकोमा उनीहरुले राजेन्द्र श्रेष्ठ लगाएतका जनप्रतिनिधि र स्वास्थ्यकर्मीलाई विशेष धन्यवाद व्यक्त गरेका छन् ।