कोरोना पराजित गरि चाडै जनसेवामा फर्किने छु: अनन्तमणि आचार्य (वडा सदस्य तारकेश्वर ५)

कपन अनलाइन

काठमाडौं असोज १३ ।तारकेश्वर नगरपालिका वडा नं ५ का वडा सदस्य अनन्तमणि आचार्य कोरोना संक्रमित भएका छन। सामाजिक संजाल मार्फत उनले आफुलाई कोरोना लागेको जानकारी गराएका हुन उनले आफु कोरोना संक्रमित भए पछि आफु संग सम्पर्कमा रहेकाहरुलाई सचेत रहदै सतर्कता अपनाउन आग्रह गर्दै लक्षण देखिएमा परिक्षण गर्न समेत अनुरोध गरेका छन।

 वडा सदस्य आचार्यले कपन अनलाइन संग संक्षिप्त कुरा गर्दै आफू छिटै कोभिड-१९ कोरोना संक्रमण मुक्त हुने विश्वास व्यक्त गरेका छन । उनले आफूलाई संक्रमण पुष्टि भए सँगै होम आइसोलेसनमा बसेको जानकारी दिँदै स्वास्थ्य अवस्था सामान्य रहेको र चाडै कोरोना जितेर जनसेवामा फर्किने बताएका  छन ।तारकेश्वर नगरपालिकाबासीहरुको सेवामा दिन रात नभनी कोरोना प्रकोप नियन्त्रण रोकथाम अभियानमा सक्रिय रहँदै आएका वडा सदस्य आचार्यले  अहिले  स्वास्थ्य अवस्था ठिक रहेको बताउँदै कोरोनलाई पराजित गर्न सक्ने आत्मविश्वास आफू संग रहेको बताएका  छन ।

निरन्तर जनताको लागि अग्रमोर्चामा रहेर सेवामा जुट्दा कतिबेला संक्रमित भएछु भन्ने  थाहा नै नपाएको अनुभव सुनाउदै आचार्यले  हेलचेक्र्याइँ नगर्न स्वास्थ्य सुरक्षामा ध्यान दिई सावधानी अपनाउन अनुरोध गरेका छन।  विभिन्न माध्यमबाट आफूलाई स्वास्थ्य लाभको कामना गर्ने सबैलाई धन्यवाद दिँदै जनप्रतिनिधि आफ्नो दायित्व पुरा गर्ने क्रममा आफूलाई संक्रमण भएको बताउदै उनले  तारकेश्वर  नगरबासी र शुभ चिन्तकहरुले गरेको सदभाव र सुभेच्छा तथा स्वास्थ्य लाभको कामनाले  चाडै  कोरोना जित्ने आत्मबल बढेको बताएका छन ।