शंखरापुर नगरपालिकामा असोज १९ गते थप दुइ जनामा कोरोना संक्रमण पुष्टि

कपन अनलाइन

काठमाडौं असोज २०। शंखरापुर नगरपालिकाले असोज १९गते साँझ ५ बजे सम्मको कोरोना अपडेट सार्वजनिक गरेको छ । प्रमुख प्रशासकीय अधिकृत भोजराज खतिवडा, सुचना अधिकारी सुभद्रा पुडासैनी र जन स्वास्थ्य निरीक्षक लक्ष्मीराज जोशी द्वारा जारी गरेको उक्त कोरोना बिवरणमा असोज १९  गते  साँझ ५ बजे सम्म नगरपालिकाले ५७५ जनाको आर डी टि परिक्षण गरिएको र हाल उक्त परिक्षण बन्द गरिएको जनाएको छ ।साथै हाल सम्म नगरपालिकाले ८८४ जनाको पी सी आर परिक्षण गरेको उल्लेख गरेको छ ।

शंखरापुर नगरपालिकामा असोज १९ गते साँझ ५ बजे सम्ममा थप १ जना पुरुष र १ महिला गरि कुल २ जनामा संक्रमण पुष्टी भए संगै संक्रमितको संख्या १५ महिला र ३१ पुरुष गरि कुल ४६ जना रहेको त्यस मध्ये १० जना महिला र २० जना पुरुष गरि कुल  ३० जनाले कोरोना जितेको  उल्लेख गरेको छ ।

त्यसै गरि नगरपालिकामा ५ जना महिला र ११ जना पुरुष गरि कुल १६ जना सक्रिय संक्रमित रहेको पनि जनाएको छ ।  त्यस्तै नगरपालिका भित्र होम आइसोलेसन मा ५ जना महिला र १० जना पुरुष गरि कुल १५ जना रहेको जानकारी गराएको छ ।हाल सम्म अस्पतालको आइसोलेसनमा  एक जना पुरुष रहेको उल्लेख गरेको छ।