जुगल गाउँपालिकाका पहिरो प्रभावित बालबालिकालाई शैक्षिक तथा खेलकुद सामाग्री सहयोग

कपन अनलाइन

काठमाडौं ,भाद्र २०

अजिज फाउन्डेसन र कपन भेट्रान क्लवले जुगल गाउँपालिकाका पहिरो प्रभावित बालबालिकालाई शैक्षिक तथा खेलकुद सामाग्री सहयोग गरेका छन।

अजिज फाउन्डेसनकी अध्यक्ष सेर्की शेर्पा , कपन भेट्रान क्लवका अध्यक्ष पासांग शेर्पा ,उपाध्यक्ष राजु विक्रम थापा ,सचिव प्रज्वल थापा,फाउन्डेसनका रोशन भण्डारी लगायतको उपस्थितिमा १५० जना बालबालिकाहरुलाई प्रदान गरिने शैक्षिक ,खेलकुद तथा मनोरन्जनात्मक सामाग्री रास्ट्रिय बाल कल्याण परिषदकी स्वयंसेवक सोनी भट्टराईलाई हस्तान्तरण गरिएको थियो।

सो अवसरमा लिदीका पहिरो प्रभावित बालबालिकाहरुलाई फुटवल ,भलिवल ,ब्याडमिन्टन,चेस ,लुडो ,क्यारम बोर्ड ,चित्रकला सामाग्री लगायत सहयोग गरिएको फाउन्डेसनकी अध्यक्ष सेर्की शेर्पाले जानकारी दिएकी छन।